Мистеријата конечно откриена: Што ги поврзува Бред Пит и популарната американска пејачка?

Пишува: Точка

Планетарно познатата кантри ѕвезда Шанаја Твејн, која оваа есен се враќа на музичката сцена по долги 15 години, неодамна проговори за големата мистерија која долго ја држеше јавноста во неизвесност.

Еве зошто во својата хит песна од 1997. година, “That Don't Impress Me Much” го споменува токму Бред Пит.

Шајана Твејн, пејачката чиј албум “Come On Over” e најпродаваниот кантри албум во историјата со околу 60 милиони продадени примероци ширум светот, овие денови се враќа на сцената.

По повод својата промоција на новиот албум наречен “Now”, кој излегува оваа есен, 52-годишната Шанаја открила што ја поттикнало да го спомене познатиот актер Бред Пит во една од своите песни.



“Се сеќавам дека на тоа ме потсети една пријателка, беше некаде околу Божиќ, кога правевме колачиња. Во тоа време го завршив својот албум, а во истовреме во медиумите излезе скандалот за Бред Пит и Гвинет Полтроу, кога беа објавени неговите голи фотографии. Тие фотографии не ме интересираа, ниту ме заинтригира да ги видам, и постојано сум размислувала околу тоа колку голема бука се крева за толку небитна работа”, објаснила Шанаја и додала дека тоа ја поттикнало да ја напише песната “That Don’t Impress Me Much”.

“Гледаме голи луѓе секојдневно. Тоа е она на кое прво помислив”, продолжила славната пејачка и додала дека не го брани Бред, туку дека тука можело да се работи за било кој маж, кој во тој момент се нашол во таков непотребен скандал.

Бред Пит, кој во тоа време бил во врска со актерката Гвинет Полтроу, поради спорните фотографии кои биле објавени во списанието Playgirl во 1997. година, го тужел списанието и добил оштета.
Твејн се повлече од сцената поради тешка здравствена состојба, а потоа се посвети и на мајчинството. Сега таа признава дека е спремна за нови успеси и открива дека не се надевала на ова, бидејќи до само пред седум години воопшто не била во состојба да пее.

No comments

Powered by Blogger.