10 бои кои секоја жена треба да ги има во гардероберот за есен 2017

Eсента е на прагот, па вистинско време е да видиме кои се најпосакуваните нијанси за оваа сезона.



Секоја година, експертскиот тим од институтот за бои „Pantone“, ги претставува главните нијанси на годината, а посебен осврт прави и на тоновите што ќе владеат во текот на сезоните.

За сезоната есен-зима 2017/2018, од „Pantone“ понудија палета од десет бои, кои ќе бидат особено актуелни и тренди за време на студените месеци, па секоја модно освестена дама треба да ги има во гардероберот.



А, како главна кралица на есенската сезона е крунисана – црвената боја, која ќе ја гледаме постојано и насекаде околу себе – од облеката и модните додатоци, до шминката.

Во продолжение, ви откриваме кои се најпосакуваните нијанси за претстојната сезона, но и темата која стои зад секоја од нив:

1. Grenadine 17-1558



Свела, раскошна и жива - таа една од највпечатливите бои од црвената палета.

Претстојните есен и зима, пожелно е да си набавите барем едно модно парче во оваа нијанса.

Но, не заборавајте да ја имате и во чантичката за козметика, бидејќи црвениот кармин во интензивно црвен тон е есенски „must have“.

Со оваа боја, го привлекувате сето внимание на себе, а во тренд е потполно црвен изглед, како и комбинација на црвената со помирни и длабоки тонови на сина или сива.

2. Tawny Port 19-1725



Додека црвената е поврзана со задоволството и самодовербата, бордо црвената боја делува поелегантно и попрефинето.

И бургунди нијансата припаѓа на црвеното семејство, па изгледа моќно дури и во монохроматска верзија.

Но, доколку сакате, може да ја комбинирате со било која друга нијанса од модерната палета за есен-зима 2017/2018.

Со оваа боја, имате можност да креирате соодветен изглед за речиси сите прилики – од романтични до деловни состаноци.

3. Ballet Slipper 13-2808



Иако модата е навикната на светли, па дури и интензивни розови тонови, оваа нијанса е исклучително префинета, а изгледа прекрасно во комбинација со сивата боја, или, пак, со богатата нијанса на путер.

Нијансите може да ги искористите и како основа за дизајн на модерна гардероба во сезоната есен-зима 2017/2018.

4. Butterum 16-1341



Практичните нијанси во месо боја, никогаш нема да излезат од мода.

Дури и кога трендот на природноста е малку одминат, сепак, неутралната беж нијанса се најде во топ десетте модерни бои за студената сезона.

А, таа е вистинска есенска боја. Со топлиот црвенкасто-кафеав подтон, идеално се комбинира со модерната и обемна трикотажа, откривајќи ја самата структура на на ткаенината.

Исто така, здолништата и блузите изгледаат подеднакво добро во бојата која ги слева путерот и румот во неодолив микс.
5. Navy Peony 19-4029



Неутралните бои, како темно сината се идеален избор за современите дами, а за оваа сезона, морнарско сината е нијансата која совршено ќе се вклопи со останатите бои во гардеробата.

Доколку посакувате оваа нијанса да биде главната, односно таа што ќе доминира на вашата облека, тогаш ќе изгледате сјајно.


6. Neutral Gray 17-4402



Уште една неутрална боја, која е поврзана со стабилноста, спокојството, па дури и одредена тежина.

Неутралната сива нијанса, со благо прашлив подтон, претставува идеален одговор на институтот Pantone, до сите луѓе кои копнеат по неутралните бои и есенската меланхолија.

Притоа, бојата е модерна, па погодна е за креирање деловен изглед, или, пак, за секојдневните излегувања, а доколку додадете и малку крзно, сјај и сина нијанса, може да добиете одлична вечерна варијанта.



7. Shaded Spruce 19-4524



Веројатно веќе знаете дека свежо зелената нијанса - Greenery - беше именувана за боја на 2017-та година.

Но, нејзината смелост и динамика не се погодни за наесен. Затоа, заменета е со боја која проникнува во длабочините на океанот, а претставува и сјајот на зимзелените дрвја и шумската ладовина.

Мантилите, здолништата, фустаните и бундите во оваа раскошна боја станаа ѕвезди на модните ревии, а сосема сигурно е дека наскоро ќе ги освојат и градските улици.

8. Golden Lime 16-0543



Сончево жолтата и сочната зелена беа меѓу основните бои изминатата пролет.

А нивната несекојдневна мешавина, наречена „златна лимета“, пак, ќе ги освежи колекциите и оваа есен.

Таа е една од најнеобичните нијанси за сезоната есен-зима 2017/2018.

Светските дизајнери претставија свои варијации во колекциите, хармонично вклопувајќи ја со цел спектар на темни бои, од бургунди до сина и црна боја.

9. Marina 17-4041



Бојата на морска вода, можеби е една од најочекуваните нијанси за претстојната сезона.

Умерено светла, весела, но истовремено и неверојатно елегантна, таа 100% ќе ја разблажи основната гардероба во неутрални бои.

Нијансата на морските бранови, најдобро е да ја комбинирате со бели, сиви, беж, и секако, сите црвени тонови.

10. Autumn Maple 17-1145



И на крајот, една навистина есенска боја. Без разлика дали станува збор за темна портокалова, црвенкаста, или, пак, жолткаво-кафеава, таа совршено се вклопува во секоја ситуација.

Бојата на есенските лисја, желади, печурки и тикви, како и залезот на сонцето, идеално се прилагодува на неутралните, но и сините тонови.





No comments

Powered by Blogger.