Скопје преполно со љубители на фудбалот во исчекување на УЕФА Супер Купот

]
Пишува: Точка

Скопје е преполно со љубители на фудбалот од цел свет во исчекување на вечерашниот натпревар од УЕФА Супер купот, на кој ќе си ги одмерат силите најтрофејните клубови во Европа, Реал Мадрид и Манчестер Јунајтед.

Големиот број посетители на неутралната фан зона, лоцирана на плоштадот „Македонија“, можеа да се забавуваат во богата музичка програма, големиот број на спортски натпреварувања и активности, а денеска присутните ги поздрави и градоначалникот на Град Скопје, Коце Трајановски.



„Градот Скопје во изминатите 2,5 години во соработка со УЕФА и ФФМ, се вложи несебично со службите и ресурсите со кои располага за да може да го долови духот на утрешниот натпревар. Организацијата на овој настан е голема одговорност и чест и сметам дека ние како главен град направивме се за да се подготвиме за големиот број луѓе и туристи кои пристигнаа во Скопје. Го повикувам скопјани и денеска да ја посетат оваа фан зона, каде што ќе можат да уживаат во одличната музика, многубројните спортски игри, да ја искористат можноста да се фотографираат со 3-те трофеи на УЕФА и секако фудбалот. Ви пожелувам одлична фудбалска вечер, одлична забава и одличен натпревар.“ рече Трајановски.



Градоначалникот Трајановски ги посети и неколкуте локали во централното градско подрачје кои се во боите на двата клуба, а ги посети и навивачите на Манчестер Јунајтед, по должината на улицата Македонија.



No comments

Powered by Blogger.