Дали навистина функционираат триковите за чистење или немаат никаков резултат?

Секојдневно сме преплавени со домаќински совети и трикови за чистење на домот. Чистење со лимон, вадење дамки од маснотија со сода бикарбона и што уште не.



Но, дали овие трикови навистина функционираат и дали вреди да ги пробате?

Еве ги резултатите:
Вода со лимон за чистење на микробранова печка

Измешајте 400 ml вода со три лажици лимонов сок во сад што може да се стави во микробранова. Микробрановата печка пуштете ја и оставете да работи 10 минути, со садот ставен внатре.

Резултат: Со ова се отстрануваат само големи дамки од храна, а малите остануваат.



Смеса од хидроген пероксид, сјај за садови и сода бикарбона за чистење на шпоретот

Измешајте ¼ шолја хидроген пероксид, една лажичка сјај за садови и ½ шолја сода бикарбона. Исчистете го шпоретот со сунѓерче. Ако дамките се тврдокорни, оставете смесата да делува 10 минути.

Резултат: Навистина делува. Шпоретот ќе биде сосема чист.



Сода бикарбона и масло за чистење на вратата од рерната

Вратата од рерната исчистете ја со сунџерче и смеса од една лажица масло за јадење со две лажици сода бикарбона.

Резултат: Целосно чисто и сјајно!


Лимон и сол за чистење на мијалникот

На половина исечен лимон ставете сол и поминете ја површината на мијалникот.

Резултат: Чисти темелно и полира.


Лимон за чистење на чешмата

Уште еден трик со половина исечен лимон со кој се поминуваат чешмите.

Резултат: Чешмите се без дамки, како нови.


Сол за отстранување на масни дамки од грил-тавата

Истурете сол на грил-тавата и оставете да делува 15 минути. Потоа, исчистете со жица за чистење.

Резултат: Мрсните дамки се отстрануваат, но истиот ефект се постигнува и со обичен сјај за садови.


Оцет за чистење на тушот

Наполнете една пластична кеса со бел дестилиран оцет и заврзете ја околу тушот. Оставете да делува 20 минути или еден час ако има многу бигор.

Резултат: Одличен трик кој навистина го отстранува бигорот.


Сода бикарбона и оцет за чистење на кадата

Низ кадата истурете 4 лажици сода бикарбона и протријте со сунѓерче. По 10 минути, ставете раствор од 50 грама оцет и 50 грама избелувач. Убаво измијте ја кадата со вода после половина час.

Резултат: Не делува многу. Старите дамки не исчезнуваат.


Вадење на залепена гума за џвакање со мраз

Многумина веруваат дека гумата за џвакање ќе излезе од тепихот ако ставиме мраз.

Резултат: Излегува, но многу тешко и остава дамка на тепихот.


Лимонска киселина за чистење садови

Ставете лимонска киселина во валкан сад и исчистете темелно со сунѓерче и вода.

Резултат: Делува. Садовите ќе бидат чисти и сјајни.

No comments

Powered by Blogger.