Нови седум мали земјотреси ноќеска во Охрид, најсилниот од 4.2 степени


Охрид никако да се смири. Ноќеска повторно имаше дури седум земјотреси па Охриѓаните не спиеја ни оваа ноќ.

Најсилниот потрес беше од 4,2 степени по Рихтер четири минути по полноќ а епицентарот се наоѓал на 9 километри источно од селото Косел на длабочина од 2 километри.

Потоа следеа уште неколку земјотреси во 00.37 со магнитуда 2.7, во 00.54 часот со јачина 3.5, во 1.02 часот со интензитет од 2.9 степени и во 1.10 часот со јачина од 3.3 степени по Рихтер.

Од 18 јуни во Охрид и Ресен се регистирани над 1000 земјотреси. Жителите на овој регион се под постојан стрес и страв дека ќе дојде до голем потрес а властите се обидуваат со смирувачки тонови да стават на знаење дека нема потреба од страв. Сепак, ниту еден експерт не може да тврди која е причината за овие толку чести потреси.

No comments

Powered by Blogger.