Како хороскопските знаци носат одлуки - со срцето, мозокот или со двете?

„Докторе, многу сум неодлучен... или можеби не сум?“ Неодлучноста е веројатно одлика на некоја личност од вашето блиско опкружување и ви оди понекогаш на нерви. А можеби и вие сте еден од оние „пишман-аџии“ на кои им треба вечност да донесат одлука, без разлика дали се работи за нешто сериозно или пак бојата на новите чорапи кои ги купувате.
Пишува: Црнобело
Кога станува збор за носење одлуки во животот, хороскопските знаци најдобро се делат во 3 групи кои носат решенија потпирајќи се на срцето, мозокот или и двете истовремено.

Во која група припаѓате вие?

Срце

Рак, Риба, Лав, Овен

За Раковите и Рибите не е никакво изненадување што одлуките ги носат првенствено со срцето. Нежни и емотивни, на вагата на нивното расудување тасот на разумот секогаш ќе биде полесен од оној на срцето.

Она што изненадува во оваа група се Лавовите и Овните. Особено драматични, горделиви и по малку арогантни, на моменти ладни и дистанцирани, сепак овие два знаци имаат особено изразена емпатична страна, па во целата еуфорија срцето успева некако да надвладее и да го победи умот.

Мозок

Девица, Јарец, Вага, Водолија

Секако дека Девиците и Јарците носат одлуки поткрепени со аналитичко и практично размислување. Со нив нема шега, понекогаш имаат срце од камен и не дозволуваат да ги поколеба каква и да било емоција. Прагматичност пред сé останато!

Вагите и Водолиите се вистинско изненадување во групата. Вагите вообичаено сакаат да балансираат во секој аспект од животот, но изненадувачки одлуките ги носат со разумот. Водолиите иако се карактеризираат како слободни и ноншалантни во принцип носат многу разумни и промислени одлуки.

Срце и мозок

Близнаци, Стрелец, Скорпија, Бик

Овие 4 знаци успеваат да балансираат помеѓу срцето и разумот кога доаѓа време да се донесе некоја одлука. Може да ги најдете како прават листа ЗА и ПРОТИВ околу некое важно прашање, обидувајќи се да пронајдат идеален компромис каде што ќе биде задоволена и емотивната и практичната страна.

Интересно е што можеби ќе се посоветуваат со неколку луѓе, но секогаш на крајот ја донесуваат одлуката по свое, макар направиле грешка.

No comments

Powered by Blogger.